雖然打機係男士居多,不過近年好多遊戲都幾乎有為數唔少既女玩家,所以為左照顧埋依俾潛力用家,好多Gaming廠商都會開發小型滑鼠黎吸納女玩家市場。而今次介紹既 A4Tech X7 V-Track Gaming Mouse F3 就以小巧為賣點,如果著重功能為主就不妨留意下啱唔啱心水。

按鍵上,左鍵隔離有招牌三連射按鍵,不過按鈕就偏細。而滾輪之上設有五段DPI按鍵,提供雙色LED提示同100-3000 DPI有限度調整。

F3 嘅四、五鍵都設於左邊,不過位置需要姆指有小幅度移動。雖然有人體工學設計,不過就無防滑橡膠,靠個幾個窿仔透氣,揸得耐當然無咁舒服啦。

F3 為右手專用滑鼠,體型屬於小型,並帶有人體工學設計。正面外殼就有微磨沙作防滑功能。

USB介面無咩特別,不過就有包網線。

移動制式為V-Track光針光學,因此DPI同樣最大為3000。另外, F3並無提供法碼加重,所以機身偏輕。

由橫幅面觀看,F3 可以用矮黎形容,只有約個半1蚊銀高。此外,尾端向下的設計,對於手細的用家會較為貼合手型。

A4tech附送一套後備腳墊供玩家後日更換。

作為X7 F系列, F3一樣可以使用軟件修改按鍵及DPI功能,而設計同F4完全相同,所以就省略軟件介紹啦。

總結:

針對小型Gaming為出發點既 V-Track X7 F3,除了以V-Track提供一個良好且平價的移動制式外,加上擁有3000DPI、五段DPI轉換,配合軟件修改,令功能不亞於同 系列 Gaming滑鼠。

Van仔 試玩評語

由於 F3設計明顯針對手掌偏細或以便攜為主的玩家,所以設計放棄了手感並加強收納性。不過值得一讚,三連射按鍵及四、五打起上黎比 F4舒服。而V-Track 光針設 計類似於Microsoft Blue-Track,因此係較差既接觸面都可以準確移動鼠標,所以當筆電Gaming都甚為理想。不過價錢方面就同F4一樣,所以只能夠講兩隻野行唔同市場囉。

蛇仔 試玩評語

A4Tech X7 V-Track F3 屬小形矮身,對手形較大的筆者來說幾乎可以話「Totally Fail」。不過,滑鼠本上設計仍然提供不俗手感,更何況功能完全與F4 睇齊,手細用家自然更得心應手。

型號:A4Tech X7 V-Track Gaming Mouse F3
移動制式:V-Track 光學
手形:小型, 矮身, 右手專用
鍵數:五鍵、DPI鍵 (單向)、三連射鍵
DPI: 可自訂式 五段式按鍵

建議零售價:HK$189
查詢:升科 (3188 4983)

廣告