[產品介紹] CM Storm Sentinel Advance II

一講起DPI,好多人都會話3000就夠晒用,不過對於用大螢幕黎玩即時戰略遊戲嘅玩家,一隻得3000DPI嘅滑鼠又點可能滿足到呢。近年好多品牌嘅High End型號都會採用好多特殊規格,而超高DPI當然都包括在內啦。今次VG介紹嘅CM Storm Sentinel Advance II就以 8200DPI作為賣點,唔知滿唔滿足到各位RTS玩家呢。

SA2 使用超低向按鍵設計,主按鍵前方設有五段Profile鍵,雖然玩家未必需要即時轉換,但設計有效運用中指轉換。不過四段增減式DPI鍵擺位就非常尷尬,原因係按鍵太細兼且以左右陣列太近,撳起上黎反而唔方便。

由於滑鼠採用右手人體工學設計,滑鼠凹陷部份將可以緊貼姆指關節,雖然設計可以令手指更為舒適,不過就導致撳四、五鍵時會有棘手嘅感覺。值得一提,五鍵同時支援CM Storm TX Mode。

SA2亦都有法碼加重功能,其帶有五粒4.5G法碼,完整安裝下滑鼠重量適中,就算拆晒都唔會太輕。

 

玩LED亦都係大多高階Gaming Mouse會「犯嘅毛病」,而SA2 都唔例外, 鼠身前有車頭燈,頂部份亦有。LED作用有兩種,一係自High用,二係用黎認Profile,不過成個設計就違犯咗人體工學上嘅錯誤,簡單就係你根本唔會見得到頂個排LED。另外,頂部亦有用黎顯示XY軸DPI數值嘅LED,同樣都係會被隻手遮住咁囉,所以每次換DPI都要好刻意鬆手去望一望。

 

橫幅所見,SA2高度未夠兩個1蚊銀,而且滑鼠採用超低身流線設計,所以手指較長嘅朋友其實幾適合用SA2。

俯視角度,可以發現SA2設計相當奇怪,以矮身為大前題卻擁有修長身形,設計無疑要求玩家必須將手指緊貼整隻滑鼠,造法雖然有利操作,但手指舒適度就一定有些少扣分。

介面方面,SA2使用網線、抗磁及鍍金USB接頭。

 

CM Storm亦有提供一套完整後備腳墊,大幅面的腳墊的確可以為8200DPI提供更穩定嘅表現。

============================================

硬件方面就大致講完啦,而Driver方面,筆者真係不敢恭維。皆因SA2 Driver設定真係相當精密…

首頁,無咩難度,都係一般按鍵、Profile、DPI、反應時間設定,按鍵設定支援模擬鍵盤及Macro。只有四段設定嘅DPI就可以分別為XY軸分別設定速度,範圍由200-8200。

滑鼠上嘅LED可以透過依頁設定,亦都可以揀唔同嘅LED閃動模式。另外,玩家可以自己入logo係 LED上顯示。

  

講到成個Driver最奇怪嘅地方都莫過於依三頁,三者關係可以話相當奇妙,因為按鍵可以啟動Macro。Storm TX Mode就可以用Multi Touch方式啟動Scripts或Macro。由於Macro同Scripts性質感覺就差唔多,所以筆者都分唔到分別在哪。而且重點係兩樣野都好難set…

總結

CM Storm Sentinel Advance II 以8200DPI作為賣點,矮身體型就偏向手指長的玩家,不過修身外型卻迫使玩家要習慣設計。配有後備腳墊及使用優質接線等亦成為高階滑鼠均有的特徵。而LED設計雖然吸引,但效果就未如理想。整體而言,規格可冠上高階型號之名,不過實際賣點仍然不足。
Van仔 試玩評語

對於筆者黎講,SA2嘅低身設計的確幾啱手型,不過就修身設計就令手感有扣分,亦因為咁嘅原因,姆指撳制都唔多方便。而成隻滑鼠上嘅LED真係可以講無咩實際用途,如果放係四、五鍵附近反而仲有用。另外,DPI 高達 8200,但按鍵增量設定就只係得4段,令用家要多用Profile設定不同類別DPI群。而且以現時1080P解析度遊戲3200DPI已經足夠嘅情況,要用到8200DPI就可能係Surround囉。

型號:CM Storm Sentinel Advance II
移動制式:Avago 9800 Laser
手形:大, 矮身, 右手
鍵數:五鍵(含Storm TX Mode)、DPI鍵 (增減)、Profile鍵
DPI:200~8200 四段式 XY獨立設定
特別備註:22.5g法碼加重、1000Ms反應時間、後備腳膠墊
驅動軟件: 有,Macro、Scripts設定
保用:2年

售價: $539
查詢: Microworks (2950 0175)

廣告