Battlefield 3 Close Quarters 推出接近兩個月,筆者每逢週末都夜而繼日咁玩,相信好多人同我一樣好享受 Close Quarter 急速節奏,但實際好似筆者朋友咁唔習慣節奏或殺唔到人等圍數唔少,所以筆者今日特別同大家分享下 Close Quarters 殺敵心得,想係 CQ 場殺更多敵人就記得留意喇!

玩親 Close Quarater 成日死殺唔到人,相信會係唔少玩家o既抱怨o既口頭禪。當然玩《CQ 》相比 Metro 反應要求更高,而且版圖更細預見敵人機會較高,稍不留神就斷送了生命。不過,除左反應,其實《CQ 》選用的武器都有特別需求,正如一般步搶可能對付中距離敵人,但相反埋身戰就可能較輸蝕,所以殺敵先要選擇好武器。按常理,埋身作戰有兩個條件,第一係機動性,第二係彈速,所謂機動性係可以迅速迎戰,無須經過需時 Zoom 或 Reload 時間就可以射擊,其次彈速係指在最短時間擊殺對手,所以輕機類 MP7、P90 都要熱門選擇,其次 Shotgun 類 SPAS-12 及 CMS870 都較受歡迎。如果大家堅持選用其他類別,步槍 M16A3、AEK-971 或重機 PKP 都是唔錯選擇。

講完武器就要講下戰術,由於CQ地圖比 Metro 細好多,所以戰術上大家切記唔好停留 (o者係Camp) 殺敵,一來地圖細死果陣容易認出藏身點,二來敵身有機會在你附近重生,所以不停走位某程度對殺數及死數都有幫助。其次道具,大家除了考慮「戰術燈」作近戰用途,筆者反而覺得「煙霧彈(M320)」「免聲器」更實用,前者可以擾亂敵人視線,而且範圍大受影響敵人隨時唔至一兩個,如果運氣好可以有可觀殺數。後者「免聲器」除左可以降低槍聲,更重要是殺敵後可以隱藏於小地圖上,否則每殺一人敵方就會總動員追殺你,到時想唔死都難。

最後講多個 Tips 比大家知就係「職業」,一般版圖好多人都會做「醫療兵」或「支援兵」,但係 CQ場「偵察兵」反而最實用,全因偵察兵擁有雷達裝置可以偵察敵人位置,配合戰術運用就可以更易殺敵喇!

廣告