玩第一身射擊遊戲,除左講求反應眼利,每分每秒都要應付槍械o既後阻力,所有不斷磨練瞭解每支槍o既特性先會有好技術。不過,如果依家同你講有款 Gaming 滑鼠可以幫你走捷徑,你又會否想嘗試呢? 講o既正是最近興起的 bloodY 滑鼠,佢地除左同一般 Gaming 滑鼠提供 dpi 轉換外,獨家 Multi-Core 技術更可幫助「壓搶」及「三連射」,而且程式係寫入滑鼠內記憶體,絕對唔係軟件外掛式取巧,想知有幾勁? 等筆者為大家開喇!

bloodY 屬本地新進品牌,係 8月電腦通訊節才首度亮相,首批推出產品供有五個型號,其中今次要介紹的V7 為最高階型號,賣點除左貼身手形設計,最重要是內建第三代 Multi-Core 技術,因只有 V5 及 V7 兩個型號先免費預載,其他低階型號僅只有試用版(限用1000次),聽落好似外掛程式咁。


bloodY V7  屬大手形設計,雖然不對稱的外表感覺三尖八角,但左右兩邊都可以完全承托住手指,貼身程度甚至連尾指都照顧到,加上兩側位置都有防滑膠設計,令滑鼠幾乎唔會甩手。

中間位置前排數起,Mouse Scroll 擁有單軸及按鍵設計,其後三個鍵分別代表普通、壓槍(連射)及三連射(壓槍)模式,並由 Mouse Scroll 上的紅色、綠色及黃色提示燈作識別。此外,為針對遊戲對反應需求,按鍵特別支援 3ms 反應時間,延遲值相對好多滑鼠都要低,變相令開鎗時更準確,而官方更有軟件可為滑鼠進行測試,有晒數據就無得唔信喇!

滑鼠底部上下左右四邊都有膠墊增加滑動性,但更值得留意是感光元件採用密封平底設計(Holeless Engine),用意防止灰塵走到元件內影響準備性,而元件可提供 200-3200 DPI 及 1000Hz 處輸反應。

介面方面,bloody V7 採用 1.5m 黑紅色繩網線材,並採用紅色 USB 接頭。而為配合玩家長期作戰,滑鼠隨盒亦附送後備底墊方便玩家替換。


軟件方面,bloody 必須安裝軟件先可以用到 Multi-Core 功能。而 Multi-Core 亦會分為三個版本,解釋如下。

  • Ultra Core 1 – 只會提供有限功能,主要保留「1鍵」更改 DPI 值,適合非 FPS 遊戲使用。
  • Ultra Core 2 – 針對 FPS 而設,同 Core 1 不同是開放了「N鍵」同「3鍵」,用意是調整至雙連射及三練射模式。

  • Ultra Core 3 – 只限 V5 及 V7 才免費預載 (只限香港),Core 3 主是新增壓槍、腳本及奧斯卡宏編程等功能。當中壓槍部分,用家可選擇「儲存庫」或「硬體式」設定,前者是透過軟件進行詳細設定,優點是可以詳細儲存多款武器設定,而後者是較快捷的方法,用家可 Double Click 「N鍵」(連射模式) 或「3鍵」(三連射模式) 進行實時壓槍改動,完成後按返相關鍵就會儲存到滑鼠內,但缺點是無法儲存設定。而兩者設定當法大至相同,數值會以彈速及彈導作基礎。至於腳本及奧斯卡宏編程,兩者分別可以設定自訂功能,如 180度轉身或自動購買裝備等。

至於 DPI 除左可以透過「1鍵」調整高底,在軟件內更可進行微調,最多有五段選擇,而且 X/Y軸更可獨立調較,加上仲有按鍵反應及傳輸速度選項,可配合不同系統需要。

Battlefield 3 親身實試 P90

試玩後感

bloodY V7 作為新進 Gaming 滑鼠,不像其他品牌標榜有幾高 DPI 規格,而是單憑「壓槍」功能就吸引玩家目光。與此同時, 亦無因為「壓槍」而忽略滑鼠之根本,特別係 V7 極貼心的手形設計,幾乎無須習慣就會上手,單純這點好多更貴o既滑鼠都未必達到。功能方面,「壓槍」的確有點旁門左道,某程度更會影響遊戲平衡,但實際係 Battlefield 3 試玩後就知「壓槍」並無絕對優勢,陌生同依賴會影響正常判斷,最終死數可能比唔用「壓槍」仲多左,正如當你有學會絕世武功,心術不正都會走火入魔。總括而言,bloodY V7 以 $400 以下 Gaming 滑鼠,無論設計及功能都極為吸引。

型號:Bloody V7
移動制式:Laser 3200 DPI
手形:大, 中身, 右手專用
鍵數:五鍵、DPI鍵、三連射/壓槍 設定鍵
DPI: 可自訂式
備註: 預設巨集、兩組Profile
軟件:有、自訂巨集
保用:1年

建議零售價:HK$349
查詢:升科 (3188 4983)

廣告