打機玩連線好多時都要用到語音通訊,除咗打機無咁悶之餘仲可以加強Teamwork。為咗要通話同遊戲聲清晰可能有人會買隻貴一貴嘅靚耳機,但平平地買隻USB耳機專為通話其實已經夠晒,皆因USB係雜訊控制點都唔會差得過底板既音效,加上遊戲聲同通話可以真正分隔,自然更加容易聽到人講野。而出開平價周邊產品嘅Polar就推出咗一款平價Gaming耳機,雖然就無咩7.1ch加持,但就勝在夠型夠平囉。

Polar Dragon 規格採用USB設計,提供雙聲道音效,作為一隻入門Gaming耳機,Dragon 賣點就在於耳機有紅或藍LED燈做裝飾,對於一班鐘意搵LED產品自HIGH嘅朋友,Dragon就一定係市面上少有嘅耳機產品。除此之外,耳罩同頭墊部份竟然用到皮質物料就真係平價產品比較罕見,戴起上黎有一定質感可以隔音,不過皮製材質一般,透氣度略差,容易出汗就無咁舒服。

另外,作為一隻USB耳機,擁有獨立音效卡就一定架啦,當然唔會有特別Driver啦。用得USB自然就有控制器,控制器有齊音量調整同熄咪,最重要同樣都有LED。而聲音方面,經筆者試聽連續兩小時,用黎打BF3音效雖然唔算突出,但聲音總算應有盡有,用黎聽聲亦都過得去。不過以平價通話為大前題,Dragon真係交足功課。

總結

Polar Dragon 以平價提供USB耳機,加上紅、藍LED及舒適耳罩等賣點,以一隻定位為入門Gaming耳機有一定吸引力。而$129可多一個音效裝置黎講亦都算抵買。

型號:Polar PUH-9015
耳機聲道:雙聲道
介面:USB
工作頻率:20Hz~20KHz
抗阻:32Ω

價錢:$129
查詢:Polar(2341 2998)

廣告