唔知大家有無係街上面見《TERA》依隻遊戲嘅嘅廣告啦,而依隻Online Game賣廣告嘅時候就主打「無鎖定」遊戲方式,到底咩叫「無鎖定」呢?

咩叫「無鎖定」呢,OMG代理非常厲害咁運用咗「語言偽術」,就字面解「無鎖定」大家都會認為遊戲係脫離咗一般MMORPG遊戲點擊劈劈劈嘅玩法,如果大家咁諗就大錯特錯啦。因為遊戲純粹係將以往要點怪攻擊嘅方法改做TPS嘅攻擊方式,簡單D就係「扮緊動作Game」實際操控就更加衰過一般點怪鎖定嘅遊戲。對比起《瑪英》、《龍之谷》依類真正動作遊戲。《TERA》自然要用「語言偽術」呃玩家上賊船啦。

只要打Online Game年資高少少嘅朋友仔都已經發現遊戲玩法咪即係同《WOW》一Q樣,純粹畫面靚D公仔sexy D,可以吸引下眼球咁囉。不過咁樣講「無鎖定」只係啱咗一半,因為依種所謂「無鎖定」嘅攻擊方式,早就係2002年第二代Online Game《神話 RYL online》就已經有,不過當年就因為網絡連線差而且遊戲無故事元素,結果自然叫好不叫座啦,所以亦都係因為故事同廠商修改遊戲平均性強先令到《WOW》可以成為「第一隻」無鎖定遊戲。

筆者彈到《TERA》好似一文不值其實都唔怪得人,因為遊戲玩法真係同以往好多人玩過嘅遊戲真係幾乎一樣,七大種族八大「共同職業」,而領地戰相信之後都會有種族/陣型大型PK戰,咁即係同我玩緊《天堂2》同《WOW》有咩分別呢?

換言之,《TERA》可以講係一款四不像遊戲,因為無故事、無動作,純粹賣畫面靚同公仔嘅「假動作」遊戲,加上係要收月費嘅情況筆者就真係唔多睇好囉。

廣告