唔知大家有無印象SOMiC依個品牌啦,依個品牌就出左名賣好多cheapcheap電腦耳機,通常係D平民商場電腦舖都有時會出現幾廿蚊就有交易,質量過得去所以都唔少公司學校會買。而依個品牌今日就正式被Everbest代理左,點解Everbest會同SOMiC合作呢?

原來除左一般入門耳機,筆者都係依家先知SOMiC係有出音樂耳機同PC Gaming耳機,而SOMiC副總經理更細細聲同大家講某三角型品牌同某離譜品牌既部份入門產品都係由佢地OEM,所以大家明晒點解SOMiC既Gaming耳機有幾款個樣都係熟口熟面架啦。

而今次分就有六個型號推出, 有2.0、模擬7.1、真5.1,除左最入門型號用3.5mm之外,其他全部都用晒USB介面,所以筆者都幾關注佢既真5.1型號。

E95 v2012(未有得買)同G95 耳機分別每邊採用三單元設計形造真5.1,而且兩款型號都係識震,耳機會隨重低音節奏震動,打杖Game真係幾爽。

另外就係似足某G品牌既G909,設計雖則模擬7.1,不過佢個震動功能就可以自由調整,令震動更真實,唔會好似被子彈打中同被坦克打中一樣咁震。

而G956就係今次發佈中外型最得既一款,除左頭墊設計舒服,Mic頭仲要採用伸縮設計,加埋有LED指示燈同個樣都幾型既控制器,論外觀真係幾煞食。

最後,就係一提SH55,個樣明顯就係某P品牌耳機,不過SOMiC 就用3.5mm埠同有黑白兩色,最重要係無LED,所以絕對係走兩個唔同路線。

講左咁耐廢話可能有人都會問,「咁即係幾錢姐」,根據消息最貴既過真5.1型號都係唔過$700,所以相信模擬7.1既型號會係$200到$400之間,咁變相真5.1型號會比較吸引。

廣告