對於唔少唔想太用錢投資係Gaming周邊產品既朋友,往往都會想蔗渣價錢燒鵝享受。最好買隻鍵盤就平平地有晒巨集、LED、多媒體鍵同仲要包埋人體工學咁囉。當然有人講得出,就自然有品牌做得到啦,就好似今次介紹既Polar Pinlant,賣街先$199,絕對係窮人精選、糧尾救星。

 

通常平價Gaming鍵盤都功能基本上係同無無分別,所以市面就算令Logitech、Gigabyte既入門型號都係清一色純標準按鍵,最多都係話配埋咩什麼鍵膜會襟打些少囉。不過鍵膜依家野就好睇用家既。而Pinlant 鍵膜就唔算有彈性,不過只要「開光」之後感覺就比較好打。另外,鍵盤頂位設有一排巨集鍵同多媒體按鍵。不過最賺人熱淚既都係Pinlant都有Win Lock鍵。

按鍵方面,Pinlant 採用左平鍵配人體工學設計,就眼睇Space鍵就已經有兩個姆指凹位方便用家打擊。而主體鍵排用左微彎排列,手指長期停留都唔會太攰。不過如果大家有留意開其他品牌,Pinlant設計就同Genius LED Media 900非常似樣,原因好簡單,因為都係同一間廠商製造。唯一唔同既就係鍵盤手墊位有改動。

  

由於鍵粒設計問題,所以橫面睇到鍵盤幾乎係平,就算加埋底腳高度都係多左半個一蚊唔夠,所以「係平就係平,點谷都無用」。因為平鍵關係,非常鐘意平鍵既筆者自然讚好啦。

對於唔少玩家黎講平價Gaming有LED已經非常吸引,而Pinlant就更加有紅、藍雙色轉換,配合轉換鍵同光度調節,設計真係英明過好多貴價品牌。雖然鍵姆因為倉庫碼導致光度減弱,但最起碼都叫睇到先啦,加上光度唔刺眼,筆者就講得唔錯啦。

==============================================================

講返Driver啦,Pinlant其實都無咩特別功能可以改,始終都係平價產品。

 

如果相對早前A4Tech,Pinlant Macro功能就弱好多啦,純粹可以模擬鍵盤鍵或者指定滑鼠設定。

 

不過最吹漲都係鍵盤竟然都係行到1000Hz反應時間,Marco都要有三組,真係大牌子都未必有。

總結

Polar Pinlant 以平價作為賣點之餘,設計仲有埋Macro 同紅、藍LED,論性價比就一定贏過唔少品牌。不過唯一採用平鍵設計而且整體唔算高,所以未必人人接受。

Van仔 測試後感

由於採用平鍵原因,加上平價鍵膜彈力不足,所以鍵盤要打一排「開光」先會易上手。雖然平鍵設計,但鍵粒有人體工學,打起上黎其實幾舒服。而1000Hz、LED背光,加上有齊多媒體鍵,一般玩家都夠晒用,Macro都只係錦上添花,以LED背光為前決,$199絕對唔係貴囉。

規格表:
鍵盤模式:標準
巨集按鍵:5個巨集鍵、Profile更換鍵、Win Lock
多媒體鍵:6個、光度調節、LED轉換
特別功能:巨集、1000Hz/ms
驅動軟件:有,支援巨集設定、軟件式三Profile更換

售價:$199
查詢:Polar ( 2341 2998)

廣告