依家不論打FPS同係Online Game,部份遊戲廠商都係好鐘意出到成抽功能鍵要你撳先安樂,結果制永遠多到就算係選項度改完都係未必會用得到。因此近年唔少Gaming 產品亦針對問題推出有擴展性既Gaming滑鼠,而Roccat亦都可以算係先驅,其Easy-Shift同Easy-Aim 更可以話非常實用既功能之一,今次介紹既SAVU亦正正擁有以上功能,到底實唔實用就大家一齊分析下啦。


 

首先就講下SAVU既按鍵先啦,老實都係咁話,成隻滑鼠設計非常簡單。按鍵一隻手數得晒,仲要無DPI同Profile轉換,真係點諗都完全唔明佢會值成$400蚊咁囉。不過,四、五鍵只要配合軟件修改就會引發SAVU既魔力。值得一讚就係滾輪防滑軟膠做工幾好,靜音無段落聲。

  

體型方面,SAVU屬於右手高身小型,滑鼠向下既低身流線型同修身設計,令滑鼠偏重指爪型玩家,如果掌貼型玩家就會好似發現姆指凹位會有明顯「頂骨」情況。值得一提就係四、五鍵擺位,因為受到凹位影響,所以姆指在一般情況都要關節動作先可以撳到兩個按鍵。另外要提一提就係SAVU既重量,計埋條線全重90g,絕對係筆者見過既Gaming之中數一數二輕身,所以對鐘意用重身滑鼠既玩家就真係要諗諗啦。

如果一隻賣到要成$500既Gaming無LED,我相信講個個實被人打,所以SAVU都唔算失禮咁加返一條大型多色LED係底部,如果手掌唔係貼住滑鼠墊都應該會有些少光漏出來。多色LED除左用黎自High之餘,其實最大用途就係睇Profile同Easy-Shift,當使用Easy-Shift之後顏色就會固定為藍色以作辨別,所以設定Profile顏色最好用反差大既顏色令自己可以用最短距離分辨。

=======================================================

要講SAVU點解可以賣到咁貴,相信就一定要講Driver啦,皆因安裝完Driver之後,驅動軟件就會自己更新最新Firmware同軟件版本,好少產品可以做到咁細緻。

 

Main control 方面,大家會發現SAVU DPI係固定左四個速度,其餘設定就跟Windows設定相同,而 Button Assignment就當然可以設定按鍵或及巨集功能。值得一提就係早前講到既「Easy-Shift」同「Easy-Aim」,先講前者,最主要用途就係擴展出另一組功能快捷鍵,例如點選「Easy-Shift」同時使用左鍵就可以變成設定DPI Down,放手就還原為左鍵。另外,使用「Easy-Aim」就可以將DPI暫時指定為已有DPI值,好似SAVU就可以隨意設定400、800、1600、4000 DPI。實際用途就係FPS中利用「Easy-Aim」將DPI降低令Zoom鏡時可以更穩定。

 

巨集方面,SAVU已經內置左好多款軟件同遊戲設定,當然玩家可以自己再設定啦。不過相當奇怪就係SAVU只係支援鍵盤按鍵巨集,加上SAVU實際按鍵唔算多,所以巨集功能用途不大。

Advanced contorlol頁就可以為16.8萬色既LED設定顏色同特效,雖然話有16萬.8萬,但有好多顏色效果唔算明顯。另外,當SAVU換DPI、Profile之類既時候都會有人聲提醒,玩家亦可以係依頁選擇開關。

不過講到最搞鬼都莫過於R.A.D功能,依頁最大用途就係幫玩家去計算使用滑鼠既習慣,對於職業玩家而言絕對可以用黎觀察自己對控制滑鼠既優缺點從而進行訓練,當達到指定條件,軟件會有成就解鎖,就好似你死磨爛磨一隻Game都係為左攞齊全部成就一樣。

總結

Roccat SAVU就以輕形及軟件作為賣點,由於外形細加上輕身,鐘意較重既玩家未必可以習慣。另外,SAVU本身鼠鍵唔多,令「Easy-Shift」功能未能夠有效發揮,而「Easy-Aim」則屬於針對FPS功能,所以如果玩家鐘意輕身滑鼠就可以高DPI再配合慢「Easy-Aim」達到最小移動。

Van仔 測試後感

由於SAVU DPI 固定為4個數值,加上重量較輕,所以設定有一定掣肘。另外,滑鼠未有DPI、Profile鍵,如果禁用「Easy-Shift」功能就會相對麻煩。因為「Easy-Shift」同「Easy Aim」一定要set係 4、5鍵,所以平時用都會幾麻煩。不過以針對打機而論,設計就非常實用。

型號:Roccat SAVU
移動制式:Laser 4000
手形:小型, 高身, 右手專用
鍵數:5鍵
DPI: 400、800、1600、4000
備註: 自訂巨集、五組Profile、幻彩LED、Easy Shift、Easy Aim
軟件:有、巨集
保用:1年

價錢:$498
查詢:EASCO (2904 7228 )

廣告