筆者一向都講Gaming野最緊要就係手感,所以唔少品牌推出既Gaming產品都會有客製化設定,例如Gaming滑鼠可以加重或者握位轉零件。而今次介紹既TTeSports level 10M雖然就無晒以上配件,不過就勝在由BMW特別設計既客製化設定,再配上紅、白、黑、軍綠幾隻顏色,都吸引到唔少眼球架。

SONY DSC SONY DSC  SONY DSC

先講講外型,10M 設計用前闊後窄,俯視角度一睇鼠身更有一排好似蓮蓬蜂巢形既氣孔,透過奇特既設計,係移動過程可以導入冷空氣到手心,從而做到幫手掌散熱。值得留意,全隻滑鼠幾乎係全金屬上陣,而且底部可以見到一整塊鋁板,雖然唔敢講係純粹因為設計定係散熱,不過可以肯定就算表面有焗漆,冬天用都feel到佢凍。

SONY DSC SONY DSC

而滑鼠左右兩側就分別有幾個功能鍵,比較搞鬼都莫過於左邊銀色既方向鍵,就咁睇仲有幾分似紅白機手制。方向鍵可以同時提供五個自訂按鍵設定,用黎轉DPI或者Profile理論係幾方便既。不過實際揸上手其實幾容易「HI」到,變相要用家遷就返隻滑鼠。

SONY DSC SONY DSC

講到10M最大賣點就係佢既客製化設定,只要利用TTeSport提供既六角匙工具就可以調教滑鼠表面下段金屬板角度。滑鼠調整由左右-/+5度孤型移動以及上下1cm高度微調,當然亦可以唔鎖死水平扣具達成平衡設計,不過滑鼠有壓力既時候就會有可能移位。

1

因為本身 10M屬於偏矮身設計,所以尾板上升1CM之後可以令指爪玩家更舒服。

2

而左右微調可以使到手指唔多靈活既玩家將滑身移到較有利既角度方便撳制。

SONY DSC SONY DSC

按鍵方面,左鍵面積偏大令按鍵更輕易,不過右鍵就明顯較細。因此10M手指擺位,中指應該只專注於右鍵;無名指同尾指就以右側功能鍵為目標。當滑鼠運作之後,左右鍵LED可以分別提示DPI及Profile。而滾輪表面就用左有馬蹄鐵既防滑紋路,手感不俗。

SONY DSC SONY DSC

10M既logo、Profile同滾輪都有自HIGH LED,而TTeSports既龍型logo正正係氣孔下面,對比平時直接印係滑鼠表面,反而依種收收埋埋既感覺仲有霸氣,加上一般握法都可以由側邊望到內裡LED,如果出去比賽你都咪話唔吸眼球。

SONY DSC SONY DSC

另外,Level 10M伙亦有附送便攜袋,而滑鼠上使用的六角匙亦有提供。

===================================================

1

我地又黎睇下Driver啦,軟件介面保持TTeSports既簡單設計,所有功能係晒同一頁,最多都係上面有排Profile設定頁。

7

LED方面,level 10M就比其他型號多LED選擇,而且亦可以為滾輪、Logo同Profile LED獨立設定。

2

值得一提就係主頁個「Battle Mode」係乜黎,原意就比專業玩家試測自己既APM,除住按鍵次數多少滑鼠既LED會由藍色開始變化到最後變成白色,打於打即時戰略遊戲玩家就可以有效利用設計黎訓練eAPM。

5

由於level 10M按鍵都比較多,所以在所難免要設定按鍵,不過預設既選擇就真係少到喊出黎。

3

作為高階Gaming當然都支援巨集啦,TTeSports都係非常好人可以支援滑鼠鍵盤輸入。

4

DPI得四段設定都可以算係TTeSports最唔好既地方,雖然有成8200DPI,結果肯定就無可能用得盡。設計亦可以XY軸自訂加埋1000Hz/ms反應時間都算係咁啦。

總結

TTeSports level 10M使用客製化設計,提供少量手感改善既機制,加上BWM研發既獨特散熱設計,外型的確非常有個性。不過外型偏向低身修長,未必人人鐘意。加上十字按鍵擺位,對於姆指唔靈活既玩家就可能造成一定障礙。軟件方面,設計簡單易上手,加上獨有Battle Mode可以輕易得知自己APM水平,可以見到TTeSports既細心。

Van仔 測試後感

由於筆者測試樣版係白色焗漆既關係,所以手感明顯無一般黑、綠既防滑膠膜面舒服。整體重量適中,低身設計手感不錯,因為十字按鍵設計問題,可能就要放棄左右方向減少失誤。客製化微調的確可以更貼近手型,但由於邊緣既問題,如果握力過份多多少少都會有些少唔舒服。整體而言概念唔錯,但實際成效唔算太高,加上鋁製底盤係冬天用真係會非常痛苦。

第二頁有唔同顏色既產品圖啊

型號:TTeSports level 10M
移動制式:Laser 8200
手形:中型, 低身, 右手專用
鍵數:8鍵、四向下壓式按鍵(5個功能鍵)
DPI:四段增減
備註: 自訂巨集、客製化調整(上下合計1CM 左右各5度)
軟件:有、巨集
保用:2年

售價:$799
查詢:BASCO (3173 6080)

廣告